FAQs

Is seirbhís íocaíochta éasca le húsáid í Mear-rochtain atá le fáil laistigh den aip My Tolls: eFlow, a cheadaíonn do chustaiméirí neamhchláraithe an méid seo a leanas a dhéanamh:

• Íocaíochtaí le haghaidh dolaí a dhéanamh.
• Súil a choinneáil ar aistir agus ar íocaíochtaí.
• Fógraí a fháil maidir le haistir déanta chun pionóis a sheachaint.

Ní cuntas eFlow é Mear-rochtain. Níl rátaí dola lascainithe i bhfeidhm. Faigh tuilleadh eolais maidir leis na buntáistí a bhaineann le cuntas eFlow anseo.

• Íocaíochtaí uathoibríocha nó íoctar mar a úsáidtear: Íoc do dholaí go héasca in aip My Tolls: eFlow. Socraigh íocaíochtaí uathoibríocha chun pionóis a sheachaint, réamhíoc as aistir dhola nó íoc de láimh gach uair.
• Meabhrúcháin: Faigh brúfhógraí a chuireann aistir dhola i gcuimhne duit ionas nach ndéanfaidh tú dearmad ar íocaíocht.
• Coinnigh súil ar aistir agus ar íocaíochtaí: Féach ar d’aistir dhola agus íocaíochtaí go díreach san aip.
• Féach ar an méid atá le híoc agat: Caith súil go tapa ar dholaí gan íoc, pionóis agus aon aistear réamhíoctha.
• Cuir d’fheithicil leis nó athraigh d’fheithicil: Bainistigh dolaí le haghaidh feithicil amháin ag an am.

Le haghaidh rátaí dola lascainithe, molaimid cuntas eFlow. Féach ar na buntáistí a bhaineann le cuntas eFlow anseo. 

Más mian leat cuntas eFlow a oscailt dún Mear-rochtain ar dtús in aip My Tolls: eFlow agus ansin cláraigh do chuntas eFlow. 

Más mian leat Mear-rochtain a dhúnadh:

1. Logáil isteach ar aip My Tolls: eFlow.
2. Roghnaigh ‘Dún’ sa roghchlár nascleanúna.
3. Roghnaigh an chúis atá agat chun an cuntas a dhúnadh agus deimhnigh.

Más mian leat Cuntas eFlow a chlárú: 

1. Ar an scáileán Baile roghnaigh “Cláraigh” agus tapáil “Cuntas eFlow”.
2. Cuir do shonraí logála isteach leis agus cruthaigh pasfhocal.
3. Roghnaigh do chineál cuntais (Réamhíoc nó Iar-Íoc)
4. Críochnaigh do chlárúchán trí do mhodh íocaíochta a chur leis.

Nuair a bhíonn tú cláraithe is féidir leat do chuntas a bhainistiú ón aip My Tolls: eFlow. 

Tá Mear-rochtain deartha chun feithicil amháin a rianú. Má chuireann tú feithicil nua leis, tiocfaidh sé in áit d’fheithicle reatha. 

Más mian leat feithicil nua a chur leis:

1. Logáil isteach ar aip My Tolls: eFlow.
2. Scrollaigh go dtí íochtar an scáileáin agus roghnaigh ‘Roghnaigh Feithicil Nua’.
3. Cuir isteach sonraí d’fheithicle nua agus deimhnigh.

Tabharfar leid duit chun logáil isteach arís nuair a bheidh an fheithicil curtha leis. 

Má chuirtear feithicil nua leis athshocrófar an t-iarmhéid don fheithicil nua. Déan teagmháil linn má tá aon cheist agat maidir le haisíoc iarmhéid. 

Is féidir leat cárta íocaíochta a chur leis agus a stóráil san aip go héasca. Is féidir an cárta seo a nuashonrú am ar bith trí dhul chomh fada leis an rannóg Íocaíochtaí. 

Má chuireann tú cárta nua leis tiocfaidh an cárta sin in ionad do chárta sábháilte.

Más Mian Leat Íocaíocht a Dhéanamh:

1. Logáil isteach ar aip My Tolls: eFlow.
2. Roghnaigh ‘Déan Íocaíocht’ sa rannóg Baile.
3. Is féidir leat aon dola agus pionós atá dlite inniu a íoc.
4. Is féidir leat aon aistear dola amach anseo a íoc freisin trí líon na n-aistear breise ar mhaith leat íoc astu a chur isteach.
5. Roghnaigh ‘Íoc’.

Má tá iarmhéid forfheidhmithe agat, ní bheidh tú in ann íoc ach as dolaí nach bhfuil pionós luaite leo.

Is féidir leat pionóis a sheachaint trí íocaíochtaí uathoibríocha a chumasú nuair a logálann tú isteach ar mhear-rochtain.

Ligeann Mear-rochtain duit aon mhéid a bhaineann le d’fheithicil atá lonnaithe sa rannóg Baile a fheiceáil nuair a bhíonn tú logáilte isteach. Beidh aon dola agus pionós gan íoc le feiceáil i ndath dearg.

Seachain pionóis neamhriachtanacha trí íocaíochtaí uathoibríocha a chumasú ar an scáileán Baile.

Is féidir leat réamhíoc as aistir dhola amach anseo trí íocaíocht a dhéanamh trí líon na ndolaí atá le híoc a chur isteach. Beidh aistir réamhíoctha le feiceáil i ndath glas sa rannóg Baile.

Tá d’aistir dhola le feiceáil faoin rannóg Aistir nuair a logálann tú isteach. Más mian leat aon aistear dola a cheistiú: Logáil isteach ar aip My Tolls:

1.  eFlow.
2. Téigh chuig Aistir agus roghnaigh aistir dhola ba mhaith leat a cheistiú.

Cuir isteach an chúis atá agat chun an aistear a cheistiú agus ceangail do dhoiciméid tacaíochta, admháil íocaíochta mar shampla. Nuair a bheidh do cheist seolta ar aghaidh agat, déanfaimid athbhreithniú uirthi agus seolfaimid freagra chugat trí ríomhphost laistigh de 24 uair an chloig.

Más mian leat do shonraí a nuashonrú:

1. Logáil isteach ar aip My Tolls: eFlow.
2. Cliceáil ar an roghchlár nascleanúna sa chúinne in uachtar ar thaobh na láimhe deise.
3. Téigh go dtí ‘Mo Shonraí’ agus roghnaigh na sonraí ba mhaith leat a nuashonrú.
4. Cuir do shonraí in eagar agus cliceáil sábháil.

Má nuashonraíonn tú do sheoladh ríomhphoist, cuirfear ainm úsáideora nua ar fáil duit agus beidh ort logáil isteach arís. 

Más rud é gur dhíol tú d’fheithicil, nuashonraigh úinéireacht na feithicle anseo. Má cheannaigh tú feithicil nua, is féidir leat feithicil nua a chur ina háit tríd an méid seo a leanas a dhéanamh:

1. Logáil isteach ar aip My Tolls: eFlow.
2. Scrollaigh go dtí íochtar an scáileáin agus roghnaigh ‘Roghnaigh Feithicil Nua’.
3. Cuir isteach sonraí d’fheithicle nua agus deimhnigh.

Tabharfar leid duit chun logáil isteach arís nuair a bheidh an fheithicil curtha leis. 

Má chuirtear feithicil nua leis athshocrófar an t-iarmhéid. Déan teagmháil linn má tá aon cheist agat maidir le haisíoc iarmhéid.

Mura bhfuil feithicil nua ceannaithe agat, dún Mear-rochtain agus nuashonraigh úinéireacht na feithicle anseo chun táillí le haghaidh aistear dola nach ndearna tú a sheachaint.

Is féidir leat aisíoc a fháil le haghaidh iarmhéid feithicle trí theagmháil a dhéanamh linn. Ní mór duit a chruthú gur tusa úinéir na feithicle cláraithe agus aisíocfaimid an t-iarmhéid réamhíoctha. 

Má bhaineann tú an fheithicil nó má dhúnann tú Mear-rochtain ní aisíocfar an t-iarmhéid leat de bhrí go bhfágtar an méid réamhíoctha ar an bhfeithicil le haghaidh aistir dhola ar an M50 amach anseo.