eFlow: Téarmaí agus Coinníollacha Próifíle Mear-rochtana Aip MyTolls
BAINEANN NA TÉARMAÍ AGUS COINNÍOLLACHA SEO LE hOSCAILT AGUS LE hÚSÁID PRÓIFÍLE MEAR-ROCHTANA AR AIP MYTOLLS: EFLOW (NA “TÉARMAÍ”). LÉIGH TÉARMAÍ ÚSÁIDE AIP MYTOLLS: EFLOW INA LEAGTAR AMACH NA TÉARMAÍ AGUS NA COINNÍOLLACHA A THUGANN TEIDLÍOCHT DUIT CHUIG AIP MYTOLLS: EFLOW (AN “AIP”) A ÍOSLÓDÁIL, A SHUITEÁIL AGUS A ÚSÁID.
1.1 Is é Bonneagar Iompair Éireann (“BIÉ”) ainm oibriúcháin an Údaráis um Bóithre Náisiúnta (“ÚBN”) i ndiaidh scaoileadh na Gníomhaireachta um Fháil Iarnród agus aistriú a feidhmeanna chuig an ÚBN de réir Acht na mBóithre, 2015. Is é seo a leanas príomhsheoladh BIÉ - Ionad Gnó Gheata na Páirce, Sráid Gheata na Páirce, Baile Átha Cliath 8, D08 DK10.
1.2 Tá Turas Mobility Services Ireland Limited (“Turas”) ceaptha ag BIÉ chun seirbhísí a sholáthar i ndáil le hoibriú Chóras Dolaí Gan Bhacainn an M50 agus eFlow, lena n-áirítear oibriú na hAipe.
1.3 Sna Téarmaí seo tagraíonn “eFlow”, “muid” nó “ár” do BIÉ, nó Turas atá i mbun eFlow a oibriú thar ceann BIÉ.