Athruithe ar eflow.ie
Tá áthas orainn a fhógairt go seolfar suíomh gréasáin nua feabhsaithe eFlow sna seachtainí amach romhainn.
Tuigimid gur féidir le hathrú a bheith ina chúis imní uaireanta, go háirithe le suíomhanna gréasáin eFlow calaoiseacha atá i gcúrsaíocht. Ná bíodh aon amhras ort, tá na nuashonruithe seo ar ár suíomh gréasáin fíor, agus is féidir leat brath i gcónaí ar ár bhfearann oifigiúil eflow.ie.
A bhuíochas le d’aiseolas, tá ár suíomh gréasáin nua deartha chun a bheith níos iomasach agus níos éasca le nascleanúint, rud a sholáthraíonn eispéireas digiteach níos réidhe agus níos áisiúla do do riachtanais dolaí.
Chun cabhrú leat ullmhú don athrú seo, tá na príomhathruithe leagtha amach againn thíos.
first item
Má tá cuntas eFlow agat
Ag Logáil Isteach i do Chuntas
Beidh sé níos éasca ná riamh rochtain a fháil ar do chuntas. Beidh tú in ann logáil isteach le do sheoladh ríomhphoist nó le d’ainm úsáideora. Má nuashonraíonn tú an seoladh ríomhphoist ar do chuntas, cuirfear é go huathoibríoch in ionad do ríomhphost roimhe seo.
Achoimre agus Iarmhéid an Chuntais
Nuair a logálann tú isteach, feicfidh tú iarmhéid do chuntais, na turais dola is déanaí agus do fheithiclí lenár rannóg achoimre cuntais feabhsaithe.
Do Fheithiclí agus Do Chlibeanna a Nuashonrú
Leis an rannóg nua “Feithiclí, Clibeanna agus Dolaí” beidh sé níos éasca do fheithiclí agus do chlibeanna a bhainistiú. Cibé acu is gá duit feithicil a athsholáthar, clib a athrú, clib nó coimeádán clibe nua a ordú, níl le déanamh agat ach deilbhín “móide” na feithicle ar mhaith leat a nuashonrú a roghnú.
Do Mhodhanna Íocaíochta a Bhainistiú
Agus íocaíocht aonuaire á déanamh agat, beidh an rogha agat an cárta a shábháil le haghaidh íocaíochtaí amach anseo. Beidh tú in ann freisin do mhodh íocaíochta réamhshocraithe a bhainistiú trí ghné nua cliceáil-agus-tarraing a úsáid.
Mura bhfuil cuntas eFlow agat
Beidh sé níos éasca ná riamh do dholaí a íoc. Beidh tú in ann a sheiceáil cé mhéad atá dlite agat, trí uimhir chlárúcháin d’fheithicle agus am agus dáta do thurais dheireanaigh ar an M50 a chur isteach.