Mol Slándála eFlow
Tá calaois agus sceamálacha ag éirí níos coitianta, agus níos casta. Tá sceamálaithe ag díriú ar dhaoine as ar fud na tíre trí théacsanna calaoiseacha a sheoladh chucu a bhfuil an chuma orthu gur eFlow atá á seoladh.
Is é an aidhm atá le Mol Slándála eFlow feasacht ar iarrachtaí sceamála a chruthú agus eolas a roinnt lenár gcustaiméirí ionas go mbeidh siad níos eolaí ar sceamálacha.
Ní sheolann eFlow téacsteachtaireachtaí a bhfuil naisc iontu chuig custaiméirí.
first accordion
Ní dhéanfaidh eFlow an méid seo a leanas riamh
- Ní fhiafrófar de chustaiméirí naisc a oscailt chun sonraí íocaíochta a dheimhniú.
- Ní sheolfaidh sé SMS maidir le híocaíocht theipthe nó pionóis gan íoc.
- Ní fhiafrófar de chustaiméirí faisnéis íocaíochta a chur ar fáil trí chliceáil ar nasc.
Cad atá á dhéanamh ag na scaimiléirí
- Tá suíomhanna Ghréasáin bhréige curtha le chéile ag scaimiléirí a dhéanann aithris ar shuíomh Gréasáin eFlow.
- De ghnáth treoraíonn na teachtaireachtaí an faighteoir nasc a leanúint chuig áit ina ordaitear dó gníomh práinneach a dhéanamh.
- Is féidir le héinne, fiú amháin custaiméirí eFlow, na scamtheachtaireachtaí scam seo a fháil.
An méid is féidir leat a dhéanamh chun tú féin a chosaint
- Má fhaigheann tú téacs a bhfuil an chuma air gur eFlow a sheol é ina bhfuil nasc, ná cliceáil air. Tuairiscigh ainm beacht an tsuímh gréasáin trí ríomhphost a sheoladh chuig scam@netcraft.com nó tríd an ngréasán ar https://report.netcraft.com.
- Má chliceáil tú ar nasc amhrasach, déan teagmháil le do bhanc láithreach.
- Íoc suimeanna dola gan íoc go díreach ar ár láithreán gréasáin, trí ghlaoch a chur ar ár bhfoireann seirbhíse do chustaiméirí nó ag aon ionad díola Payzone.
Leideanna le haghaidh camscéim a aithint
- Bí cúramach faoi theachtaireachtaí gan iarraidh. Is minic a úsáideann na scaimiléirí a leithéid teachtaireachtaí le haghaidh faisnéis phearsanta a fháil.
- Más cosúil go bhfuil rud éigin ann atá amhrasach nó ró-mhaith le bheith fíor, is dócha gur a leithéid an cás.. Bí cúramach i gcónaí agus iarr comhairle trí theagmháil a dhéanamh linn mura bhfuil tú cinnte.
- Déan céannacht an tseoltóraa fhíorú. Is minic a dhéanann scaimiléirí aithris ar ghnólachtaí nó ar eagraíochtaí dlisteanacha. Déan iniúchadh cúramach ar sheoladh ríomhphoist an tseoltóra chun an fearann nó na téacsanna a fhaightear ó uimhir theagmhála anaithnid a sheiceáil.
Céard é smioscaireacht?
- Is éard atá i gceist le smioscaireacht meascán den fhocal SMS agus fioscaireacht. Is cineál sceamála atá ann – Is éard atá ann ná an cleachtas calaoiseach teachtaireachtaí téacs a sheoladh ag ligean orthu gur cuideachtaí creidiúnacha iad d’fhonn faisnéis phearsanta daoine aonair a fháil, amhail pasfhocail nó uimhreacha cárta creidmheasa.
- Cuirtear in iúl sa téacsteachtaireacht gur ó fhoinse iontaofa a seoladh í, do bhanc, soláthraí seirbhíse cosúil le eFlow nó comhlacht rialtais mar shampla.
- Tá sé deacair iad seo a thabhairt faoi deara de bhrí go scríobhtar iad í stíl cosúil le stíl na heagraíochta agus go bhféadfaidís a bheith le feiceáil laistigh de shnáithe teachtaireachtaí a fhaightear ón eagraíocht.
Ní sheolann eFlow téacsteachtaireachtaí a bhfuil naisc iontu chuig custaiméirí.
Samplaí sceamála
Seo thíos roinnt samplaí de na teachtaireachtaí scam is coitianta atá feicthe againn agus láithreáin ghréasáin calaoise a chruthaigh caimiléirí:
Conas sceamáil a thuairisciú
Má fuair tú téacs a bhfuil an chuma air gur eFlow a sheol é ina bhfuil nasc, ná cliceáil air, tuairiscigh ainm beacht an tsuímh gréasáin trí ríomhphost a sheoladh chuig scam@netcraft.com nó tríd an ngréasán chuig https://report.netcraft.com.
Is cuideachta cibearshlándála é Netcraft a sholáthraíonn seirbhísí slándála idirlín agus a chabhraíonn le heagraíochtaí agus daoine aonair iad féin a chosaint i gcoinne bagairtí ar líne, bogearraí mailíseacha, agus saincheisteanna cibearshlándála eile.